Malampusong gipahigayon sa Department of Information and Communications Technology (DICT) – Zamboanga del Norte ang unang Provincial Implementation sa Provision of Mobile Solution for Internet Liberty (PMSIL) sa Sirawai Rural Health Unit (RHU) niadtong Oktubre 27, 2025.
Ang maong inisyatibo nagtinguha nga mapalambo ang digital connectivity ug mapakusgan ang kapasidad sa mga lokal nga health facilities pinaagi sa paghatag ug reliable mobile internet solution. Pinaagi niini, mas mapaayo ang pag-access sa online health systems, digital communication tools, ug government e-services nga makatabang sa mas episyenteng serbisyo medikal.
Ang pagpatuman sa PMSIL sa Sirawai RHU nagpakita sa komitment sa DICT sa pagpalambo sa digital inclusion ug sa pagsuporta sa tumong sa gobyerno alang sa universal ug patas nga pag-access sa ICT.
Kini nga inisyatibo usa ka tin-aw nga ehemplo sa “Digital Bayanihan” diin usa ka kolektibong paningkamot aron mahatagan og kahigayonan ang matag komunidad nga makapahimulos sa benepisyo sa digital.(IKEN B. GULLEM)
Source: DICT IX BASULTA