Gipangulohan ni PCOL Jimmy M. Laguyo, Provincial Director, ang Monday Flag Raising Ceremony sa Zamboanga del Norte Police Provincial Office (ZNPPO) kaniadtong Disyembre 15, 2025, nga gipahigayon sa Camp Lt. Deogracias G. Hamac sa Barangay Sicayab, ning siyudad.
Atol sa iyang mensahe, gipasiugda ni PCOL Laguyo ang hinungdanong papel sa kapulisan ilabina karong panahon sa Pasko, diin nagkadaghan ang kalihukan sa katawhan. Iyang gi-awhag ang tanang police personnel nga magpabiling alerto, propesyonal, ug andam motabang sa katawhan aron masiguro ang kalinaw, kahusay, ug kaluwasan sa probinsya.
Gihisgutan usab sa provincial director ang tinuod nga diwa sa Pasko, ang panaghiusa, pagkamanggihatagon, ug tinuoray nga pag-alagad sa isigkatawo. Sumala kaniya, ang maong mga bili kinahanglan makita sa matag aksyon sa kapulisan sa ilang adlaw-adlaw nga buluhaton.
Ang maong flag raising ceremony nagsilbing pahinumdom ug panawagan sa tanang miyembro sa ZNPPO nga ipadayon ang matinud-anong pagserbisyo, labi na sa pagpanalipod sa komunidad, aron mamahimong malinaw ug makahuluganon ang pagsaulog sa Pasko sa tibuok Zamboanga del Norte.(IKEN B. GULLEM)
Source: Zamboanga del Norte Police Provincial Office
