Natapos ang pagpangita sa kapulisan sa usa ka 48-anyos nga wanted person nga taga-Sergio Osmeña, Zamboanga del Norte, human siya nasikop sa Barangay Sinonok, Dumingag, Zamboanga del Sur niadtong milabay nga adlaw.
Ang nadakpan usa ka lalaki, mag-uuma ug lumad, nga giatubang ang kasong murder. Nasikop siya pinaagi sa warrant of arrest nga giisyu sa Regional Trial Court Branch 8 sa Dipolog City niadtong Septiyembre 17, 2026.
Human sa pagkadakop, gidala ang suspek sa Sergio Osmeña Municipal Police Station alang sa tukmang proseso ug kustodiya. Gimando usab sa korte nga dili siya makapiyansa alang sa maong kaso.
Ang pagkasikop nahitabo human masubay sa mga awtoridad ang nahimutangan sa suspek didto sa Barangay Sinonok.(IKEN B. GULLEM)
Source: Banat Mindanao