Sa panahon nga daghan ang nag-atubang og kalisod, duha ka lumolupyo sa Dapitan ang mipakita nga ang pagkamatinud-anon nagpabilin gihapong lig-on sa komunidad, human ilang gitugyan ang usa ka pitaka nga ilang nakaplagan niadtong milabay nga adlaw.
Si Joel T. Resoor ug iyang silingan nga si Mark Vincent F. Venculado boluntaryong mitungha sa kapulisan aron i-turnover ang pitaka nga ilang nakit-an sa daplin sa national highway duol sa
usa ka Gasoline Station sa Barangay San Pedro, mga ala 1:00 sa hapon.
Wala magduha-duha ang duha sa pagdesisyon nga ibalik ang pitaka, bisan pa og kini naglangkob og importanteng butang sama sa driver’s license, ATM card, ug uban pang identification cards nga iya ni Junjie T. Loresca.
Sumala sa mga otoridad, ang maong buhat dili lamang simpleng pagbalik sa nawala nga butang, kondili usa ka kusog nga pahinumdom nga ang integridad ug pagkamatinud-anon nagpabilin nga pundasyon sa usa ka lig-on ug kasaligan nga komunidad.
Gidayeg usab sa kapulisan ang maong aksyon, nga ilang gihulagway isip ehemplo sa responsableng pagkamamumuo sa katilingban. (IKEN B. GULLEM)
Source: Dapitan City Police Station ZNPPO