Nanguna ang DTI Zamboanga del Norte sa malampusong pag-host sa Regional Monthly Sharing sa Department of Trade and Industry (DTI) Zamboanga Peninsula niadtong Abril 13, 2026 pinaagi sa Zoom, nga nagpalig-on sa koordinasyon ug kahibalo sa mga kawani sa rehiyon.
Gisugdan ang kalihokan sa welcome remarks ni Provincial Director Estrella M. Roda, nga giila ang papel sa maong aktibidad sa pagpaambit sa best practices ug updates sulod sa ahensya. Gisundan kini sa mensahe ni Regional Director Al-Zamir I. Lipae, nga naghatag og pinakabag-ong kalamboan ug direksyon sa DTI sa rehiyon, uban sa pagdumala ni Assistant Regional Director Maridel D. Dengal.
Isip host, gipakita sa DTI Zamboanga del Norte ang kahapsay sa pag-organisa sa programa nga gitambongan sa mga kawani gikan sa regional ug nagkadaiyang provincial offices.
Kabahin sa kalihokan ang mga learning sessions nga nagtutok sa PhilHealth benefits, lakip ang coverage alang sa Job Order (JO) ug Contract of Service (COS) personnel, ingon man ang eGov services nga gipresentar sa PhilHealth IX.
Gitapos ang programa pinaagi sa mensahe ni Assistant Regional Director Dengal, nga nagpahayag og pasalamat sa DTI Zamboanga del Norte sa epektibong pag-host ug sa padayon nga kontribusyon niini sa kalamboan sa organisasyon.(IKEN B. GULLEM)
Source: DTI R9