Mitubag dayon ang Shift B Emergency Medical Service Duty Personnel sa Liloy Municipal Fire Station ubos sa pagdumala ni FINSP Dave C. Dela Cruz human sa nahitabong aksidente sa Purok San Jose, Barangay Baybay, Liloy, Zamboanga del Norte.
Pag-abot sa lugar, gisiguro sa team ang kaluwasan sa palibot ug nakit-an ang biktima nga nagbarug sa dalan, conscious ug mitubag, apan adunay pilas sa ulo ug gagmay’ng gasgas sa nawong, bukton ug siko. Gibuhat dayon ang head-to-toe assessment ug nabantayan nga posible kini nga naka-inom.
Gitabangan ang biktima nga mosakay sa ambulansya ug gihatagan dayon og unang tambal, lakip ang paglimpyo sa samad gamit ang povidone-iodine.
Gidala dayon ang pasyente sa Liloy Integrated Health District Hospital para sa dugang medikal nga pagtambal.(JENIFFER JR. DELICA)
Source/Photo Courtesy: BFP R9 Liloy Fire Station