Gipangulohan ni Mayor Roberto Lim Uy Jr. uban ang iyang asawa nga si Board Member Hon. Venus Uy ug Municipal Health Officer Dr. Nanette D. Digamon ang delegasyon sa lungsod sa Liloy atol sa Regional Year-End Universal Health Care Awards, diin nakadawat ang lungsod sa LGU Achiever’s Award on Safe Water and Sanitation.
Ang maong pasidungog nagpasabot sa padayon nga paningkamot sa LGU-Liloy sa paghatag og limpyo, luwas, ug malungtarong serbisyo sa tubig ug sanitasyon alang sa katawhan. Usa kini ka timaan sa ilang tinuod nga pag-alagad sa kalikupan ug kahimsog sa komunidad.
Padayon ang Liloy sa pagbarug sa panan-awon sa Universal Health Care for all, aron masiguro ang maayong panglawas ug kalidad nga serbisyo para sa matag Liloynon.(JENIFFER JR. DELICA)
Source/Photo Courtesy: Municipality of Liloy