Gidayeg sa Department of the Interior and Local Government Region IX ang mga lokal nga kagamhanan nga naggamit sa teknolohiya aron mapasayon ang proseso, mapalambo ang transparency, ug mapaayo ang pagserbisyo sa publiko—usa ka timaan sa pag-uswag sa Smart Cities ug Municipalities sa Zamboanga Peninsula.
Gipangulohan sa Municipality of Ipil ang E-Governance Category sa Layag Awards for Excellence in Local Governance, samtang nakuha sa Dapitan City ang runner-up. Gipasidunggan ang Ipil tungod sa ilang kadasig sa digital innovation, ug gidayeg usab ang Dapitan City sa maayong paggamit sa teknolohiya alang sa katawhan ug kalamboan sa negosyo.(JENIFFER JR. DELICA)
Source/Photo Courtesy: DILG Region IX