Nagpakita sa tinuod nga serbisyo publiko ang Gutalac Municipal Fire Station ubos sa pagdumala ni SFO4 Jessie R. Aripal, Acting Fire Marshal, pinaagi sa pag-apil sa Adopt-A-Student Program sa Bureau of Fire Protection Region 9 nga nagtinguha nga matabangan ang mga estudyante gikan sa kabus nga pamilya.
Gihatagan sa Gutalac MFS og pinansyal nga tabang ang ilang scholar nga si Hazel Ann T. Abejero aron masuportahan ang iyang pag-eskwela ug mga panginahanglan sa edukasyon. Nagpahayag ang estasyon sa ilang pagtuo nga ang matag bata angay hatagan og higayon nga makakat-on ug molampos sa kinabuhi.
Pinaagi sa maong programa, gipakita sa BFP Gutalac ang ilang kadasig sa pag-alagad sa katawhan, dili lang sa kalayo, kondili apil usab sa pagpalambo sa kaugmaon sa kabataan.(JENIFFER JR. DELICA)
Source/Photo Courtesy: BFP RIX Gutalac Fire Station