Liloy – Malampusong gipahigayon sa lungsod sa Liloy ang culmination sa Community-Based Tourism (CBT) Kulinarya Workshop nga gihimo niadtong Pebrero 24–25, 2026, nga nagtumong sa pagpalig-on sa lokal nga sektor sa turismo.
Gisuportahan ang kalihokan ni Dara May L. Cataluña, Regional Director sa Department of Tourism Region IX, ug ni Mayor Roberto Lim Uy Jr. sa Liloy. Mitambong usab si Venus A. Uy, Board Member sa 3rd District sa Zamboanga del Norte, nga nagpakita sa hiniusang suporta alang sa community-based tourism development.
Sulod sa duha ka adlaw nga workshop, nadugangan ang kahibalo ug praktikal nga kahanas sa mga partisipante sa food preparation, hygiene, ug creative presentation. Nakabenepisyo niini ang mga street food vendors ug mga miyembro sa Community-Based Tourism Organization.
Gilauman sa lokal nga panggamhanan nga pinaagi sa maong inisyatiba, mas mapauswag ang kalidad, kaluwasan, ug pagkamapahitas-on sa lokal nga pagkaon isip kabahin sa pagpalambo sa turismo sa Liloy.(JENIFFER JR. DELICA)
Source: Municipality of Liloy