Mihatag og Funeral Service and Honors ang mga personnel sa Liloy Fire Station alang sa namatay nga Fire Officer One Niel Deo F. Templado isip kabahin sa customs and traditions sa Bureau of Fire Protection.
Ang seremonya gipangulohan ni Fire Inspector Dave C. Dela Cruz, Acting Municipal Fire Marshal, diin gitugtog ang TAPS bugle call uban sa water salute isip panamilit ug pagpasidungog sa iyang serbisyo sa bureau. Human niini, gipilo ang Philippine flag ug gitunol sa iyang pamilya.
Pinaagi sa maong seremonya, gipasidunggan sa Bureau of Fire Protection ang kaisog, dedikasyon, ug halad nga serbisyo sa nahulog nga firefighter, samtang gipahayag usab sa estasyon ang ilang labing kinasingkasing nga pakikiramay sa nabilin niyang pamilya.(JENIFFER JR. DELICA)