Nagpahigayon og moral ug spiritual upliftment activity ang mga personnel sa Liloy Fire Station niadtong Enero 5, 2026 isip kabahin sa ilang buluhaton matag unang Lunes sa bulan.
Ang kalihukan gipangulohan ni Fire Inspector Dave C. Dela Cruz, Acting Municipal Fire Marshal, uban sa paghatag og mensahe ni Pastor Joel Laolao nga nagtutok sa paghuna-huna sa gugma sa Dios ug pagpalig-on sa espirituhanong kinabuhi sa mga fire personnel.
Matud sa Bureau of Fire Protection, ang maong inisyatiba kabahin sa programa sa BFP Chaplain Service National Headquarters nga nagtumong sa pagpalambo sa moral ug spiritual nga mga pamatasan sa mga personnel pinaagi sa kooperasyon sa nagkalainlaing relihiyosong organisasyon.(JENIFFER JR. DELICA)