Gipahigayon sa National Irrigation Administration – Zamboanga del Norte Regional Sub-Office (NIA-ZDNRSO) ang Turn-out Service Area Group (TSAG) meeting kaniadtong Disyembre 3, 2025 sa opisina sa Triple L Irrigators’ Association aron hisgutan ang nag-unang isyu sa operasyon ug lig-onon pa ang irigasyon sa Labason, Zamboanag del Norte.
Gipaabot sa Triple L IA ang ilang reklamo sama sa pagbaha sa uma, naguba nga pasilidad, ug nakababag nga drainage tungod sa nagpadayon nga road-widening project. Mitubag ang NIA ug klarong lakang, pinaagi sa pagpadala ug backhoe para sa desilting sa ting-uga, pag-validate sa tanang report sa sistema, pakig-koordinar sa DPWH aron limpyohan ang silted box culvert, ug pag-asses sa posible nga lokasyon alang sa Small Irrigation Projects (SIP) ug Expanded Groundwater Pump Irrigation Program (EGPIP).
Si Engr. Marie Therese Taladua misulti nga magpadayon ang NIA sa hugot nga kooperasyon sa mga ahensya aron mas dali matubag ang panginahanglan sa agrikultura. Gipasabot usab niya ang umaabot nga medical mission sa NIA Region IX alang sa kahimsog sa mga mag-uuma.
Natapos ang miting uban ang mas lig-on nga panag-uban sa NIA ug Triple L IA aron masiguro ang episyente ug malungtarong serbisyo sa irigasyon sa komunidad.(IKEN B. GULLEM)
Source: NIA Zamboanga Peninsula