Apil ang mga lider sa Zamboanga del Norte ang mitambong sa opisyal nga paglunsad sa programang “Sa Bagong Pilipinas, Bawat Bayan Makikinabang” nga gipangunahan ni Ferdinand R. Marcos Jr. didto sa Malacañang Palace.
Lakip sa mga delegado gikan sa probinsya sila Gov. Darel Dexter Uy, Mayor Evelyn T. Uy sa Dakbayan sa Dapitan, ug Mayor Roberto Y. Uy Sr. sa Dakbayan sa Dipolog.
Kini nga kalihokan nagpunting sa pagpalig-on sa Local Government Support Fund (LGSF) aron mas mapaspas ang paghatag og serbisyo sa katawhan ug mapalapdan ang implementasyon sa mga proyekto sa matag lokal nga pangagamhanan.
Sumala sa mga opisyal, ang pag-apil sa mga lider sa Zamboanga del Norte nagpakita sa ilang suporta sa nasudnong inisyatiba ug sa paningkamot nga masiguro nga ang mga programa sa gobyerno direkta nga mabati sa mga komunidad sa probinsya.(IKEN B. GULLEM)
Source: Zamboanga del Norte Provincial News Network