Nadakpan sa mga operatiba sa Dalaguete Municipal Police Station ang usa ka Top 8 Most Wanted Person sa probinsya ug Top 2 Most Wanted Person sa munisipyo niadtong miaging adlaw.
Ang nadakpan nga suspek mao si alias “Anloyd,” 26 anyos, single, laborer, ug residente sa Barangay Poblacion, Dalaguete, Cebu. Siya gipasanginlan sa krimen nga Lascivious Conduct ubos sa Section 5(b) sa Republic Act No. 7610 o ang balaod alang sa espesyal nga proteksyon sa mga kabataan batok sa abuso, eksploitasyon, ug diskriminasyon.
Ang warrant of arrest gi-isyu ni Hon. Francis Rainier R. Navarrete, Presiding Judge sa Regional Trial Court Branch 93 sa Argao, Cebu, nga nagrekomendar og ₱180,000 cash bail para sa temporaryong kagawasan sa akusado samtang naghulat sa trial.
Gipasalig ni PCOL Abubakar Udang Mangelen Jr. nga ang CPPO magpadayon sa pagdakop sa mga wanted persons ug siguruhon nga matuman ang hustisya. Giila usab niya ang operating team sa malampusong pagdakop.
Gipangayo sa mga otoridad ang kooperasyon sa komunidad sa pag-report sa mga lugar sa wanted individuals aron masiguro ang kaluwasan sa katawhang Sugbuanon.
Source: CPPO
I via Renante Socia Lada