Nagpasalamat ang Department of Agrarian Reform (DAR) ilalom sa pagpanguna ni PARPO II Daisy Dell Suan Digamon sa mga lider sa probinsya ug lokal nga panguluhan nga nagpakita og dakong suporta sa mga produkto sa lokal nga kooperatiba sa Salug, Zamboanga del Norte.
Gipasalamatan sa DAR si Vice Governor Julius Napigquit, Board Member Kay Marie Bolando, Board Member Venus Uy, Mayor Ruth Brillantes sa Salug, Vice Mayor Michael Buzon, ug SB Member Myrna Maraon tungod sa ilang bililhong tabang sa pagpalambo sa Bayong products sa Dinuan Agrarian Reform Beneficiaries Cooperative (DARBECO) ug sa Bamboo Fan products sa Tiniguban Farmers Agrarian Reform Cooperative (TFARCO).
Sumala sa DAR, dako kaayo ang tabang sa ilang padayon nga suporta sa pagpasiugda sa lokal nga produkto, paglig-on sa mga kooperatiba sa mag-uuma, ug paghatag gahum sa mga agrarian reform beneficiaries. Kini usab nakatampo sa inklusibo ug malungtarong kalamboan sa kabaryohan.
Ang DAR naglaum nga magpadayon ang maayong panaghiusa tali sa gobyerno ug komunidad alang sa kaayohan sa mga mag-uuma ug sa pagtukod og mas lig-on nga lokal nga ekonomiya.(IKEN B. GULLEM)
Source: DAR ZAMBONORTE