Padayon ang pag-abot sa mga negosyante gikan sa nagkalain-laing establisemento sa Dipolog City ngadto sa City Hall alang sa renewal sa ilang business permit karong tuiga, 2026, isip kabahin sa pagsunod sa lokal nga regulasyon ug pagpadayon sa ligal nga operasyon sa ilang mga negosyo.
Aron mapaspas ug mapahapsay ang proseso, gitigom sa City Government ang tanang signatory offices sama sa Bureau of Fire Protection, City Health Office, Dipolog City Police Station, ug uban pang may kalabutan nga ahensya sa usa ka Business One-Stop Shop(BOSS) nga nahimutang sa ikaduhang andana sa City Hall.
Ang Business One-Stop Shop nagpakita sa klarong paningkamot sa City Government of Dipolog nga mapalambo ang serbisyo publiko pinaagi sa episyente, hapsay, ug paspas nga transaksyon alang sa sektor sa negosyo.(JENIFFER JR. DELICA)
Source: Dipolog City Government