DIPOLOG CITY — Malampusong gipahigayon ang tulo ka adlaw nga payout sa Social Pension for Indigent Senior Citizens Program sa nagkadaiyang barangay, lakip ang OSCA Covered Court niadtong nilabay nga adlaw.
Gipangulohan kini sa Department of Social Welfare and Development uban sa pakigtambayayong sa City Government of Dipolog pinaagi sa City Social Welfare and Development Office ug Office of the Senior Citizens Affairs.
Gidawat sa mga kwalipikadong indigent senior citizens ang pinansyal nga ayuda nga makatabang sa ilang adlaw-adlaw nga panginahanglan ug panglawas.
Nagpakita kini sa padayon nga paningkamot sa gobyerno sa pag-atiman ug pagpalambo sa kahimtang sa mga tigulang sa komunidad pinaagi sa konkretong suporta.(JENNIFER JR. DELICA)
Source: Dipolog City Government