DAPITAN CITY, ZAMBOANGA DEL NORTE — Dali nga mitubag ang Dapitan City Fire Station sa usa ka emergency medical response sa Barangay Kauswagan, Dapitan City, niadtong Abril 6, 2026.
Sa pag-abot sa lugar, ilang nasuta nga ang pasyente anaa ra sa panimuot apan naglisod na og sulti ug lihok sa iyang mga bukton ug bitiis, hinungdan nga gilayon siyang giatiman sa EMS personnel.
Gihatagan siya og unang tabang samtang gi-monitor ang iyang vital signs, diin nakit-an nga taas ang presyon sa dugo nga miabot sa 159/97 mmHg, samtang normal ang ubang sukod.
Gilayon siyang gidala sa Dr. Jose Rizal Memorial Hospital ug ligtas nga gitugyan sa medical staff alang sa dugang pagtambal, samtang ang mga responder mibalik nga walay nahitabo nga insidente.(JENNIFER JR. DELICA)
Source: BFP R9 Dapitan City Fire Station