Isip kabahin sa padayon nga paningkamot sa paghatag og serbisyong publiko nga adunay kasingkasing ug kalooy, gilusad sa mga kapulisan sa Piñan Municipal Police Station ang “Libreng Sakay” alang sa mga komyuter.
Sumala sa Piñan MPS, ang maong kalihokan nagtumong sa pagpagaan sa biyahe sa mga residente, ilabi na sa mga adlaw nga lisod ang transportasyon. Gipasabot usab nga ang “Libreng Sakay” dili lamang tabang-pinansyal, kondili usa usab ka paagi sa pagpalig-on sa panaghiusa ug pag-amuma sa komunidad.
Kini nga programa subay sa tema nga “Driven by duty, fueled by compassion,” nagpakita sa dedikasyon sa kapulisan sa pagserbisyo uban ang malasakit.
Gilauman usab sa Piñan MPS nga mapalapad pa ang maong inisyatibo aron mas daghang komyuter ang makabenepisyo sa umaabot.(IKEN B. GULLEM)
Source: Piñan Municipal Police Station ZNPPO