Gipalig-on sa Provincial Government sa Zamboanga del Norte ubos ni Governor Darel Dexter T. Uy ang paghatag og libreng medisina sa mga pasyente sa Zamboanga del Norte Medical Center pinaagi sa Zero Billing Policy.
Tumong sa maong inisyatiba ang pagsiguro nga ang mga indigent nga pasyente makadawat sa ilang kinahanglanon nga tambal bisan walay igong kwarta alang sa pagtambal.
Sumala sa mga opisyal, dako kini nga tabang sa mga kabus nga pamilya aron matagaan og patas nga kahigayunan sa pagkaayo ug hustong pag-atiman panglawas.
Gipasalamatan usab ang dedikasyon sa medical team sa ZNMC nga padayon nga nagserbisyo 24 oras aron matubag ang panginahanglan sa mga pasyente ug mapatuman ang maong programa.(JENNIFER JR. DELICA)
Source: Zamboanga del Norte Medical Team