Gisugdan sa Local Government Unit sa Dapitan ang distribusyon sa Social Pension alang sa indigent senior citizens para sa unang kwarter sa 2026 niadtong Abril 17.
Gipahigayon ang tulo ka adlaw nga payout pinaagi sa City Social Welfare and Development Office ug Office of the Senior Citizens Affairs aron matabangan ang mga tigulang nga walay regular nga kita o suporta.
Sumala sa LGU, ang distribusyon gihimo sa nagkalain-laing lugar lakip ang New Government Center aron masiguro ang hapsay, transparent, ug organisadong paghatag sa ayuda.
Gipasalamatan usab sa lokal nga panggamhanan ang kooperasyon sa kapulisan, City Health Office, ug uban pang ahensya nga mitabang sa maayong pagpatuman sa maong programa.(JENNIFER JR. DELICA)
Source: City Government of Dapitan