Nagdeploy og ambulance standby ang Dapitan City Fire Station kagahapon, Abril 19, 2026, aron masiguro ang kaluwasan sa mga tawo ilabi na sa mga lugar nga adunay tigum ug relihiyosong kalihokan.
Gipahigayon kini ubos sa pagpanguna ni FSINSP Rommel M. Rojas, Acting City Fire Marshal, isip tubag sa pagsaka sa temperatura nga mahimong hinungdan sa heat exhaustion ug uban pang sakit.
Gipahimutang ang EMS team sa mga strategic nga lugar aron dali makaresponde sa bisan unsang emerhensiyang medikal.
Gipahimangnoan ang publiko nga magpabiling hydrated ug alerto, samtang gipasiugda sa BFP nga prayoridad gihapon ang kaluwasan sa matag usa.(JENNIFER JR. DELICA)
Source: BFP R9 Dapitan City Fire Station