Gipahigayon sa Dakbayan sa Dapitan ang unang FIFA World Cup 2026 Live Viewing Party isip kabahin sa mga kalihokan sa Kinabayo Festival 2026 aron matigom ang mga football fans sa usa ka dungan nga pagsubay sa labing dako nga torneyo sa kalibutan.
Ipahigayon ang libre nga live viewing sa outdoor digital screen sa Dapitan City Government Center Grounds diin mahimong tan-awon sa publiko ang semifinal matches, third place play-off ug ang championship match sa FIFA World Cup 2026.
Gilauman nga mahimong higayon ang maong kalihokan sa paghiusa sa mga residente ug mga bisita samtang nagsubay sa mga duwa, uban sa mga pagkaon ug ilimnon nga andamon sa mga lokal nga vendors sa lugar.
Kabahin kini sa mga inisyatiba sa administrasyon ni Mayor Evelyn T. Uy sa paghatag og talagsaong kasinatian sa mga football fans ug pagpalambo sa partisipasyon sa komunidad atol sa selebrasyon sa Kinabayo Festival 2026.(JENIFFER JR. DELICA)
Source: Dapitan City Government