Maghatag og libreng serbisyo sa mata ang Munisipyo sa Mutia, Zamboanga del Norte sa adlawng Huwebes, Enero 22, pinaagi sa Free Eye Check-up ug Cataract Screening, sa pakigtambayayong sa Bolls-Angeles Eye Clinic and Contact Lens Center.
Ang kalihokan ipahigayon sa Gymnasium Mezzanine sugod alas 9:30 sa buntag, diin libre ang eye examination ug cataract screening, lakip na ang libreng eyeglasses alang sa mga pasyenteng ma-qualify, base sa assessment.
Giawhag ang tanang Mutianon nga moapil aron masusi ug maatiman ang kahimsog sa mata, isip kabahin sa paningkamot sa lokal nga panggamhanan sa pag-atiman sa kahimsog sa komunidad.(JENIFFER JR. DELICA)
Source: Mutia Lgu Mio