Mikabat sa 254 ka mga residente sa Barangay Bago, Sindangan Zamboanga del Norte ang boluntaryong misalmot sa NBE activity nga gipahigayon sa Bago Covered Court, niadtong Septiyembre 11,2026 diin ang mga partisipante milapas sa 250 ka mga target niini.
Gipahigayon ang eksaminasyon isip kabahin sa community health initiative, uban sa koordinasyon sa Barangay Council ug sa lokal nga health team.
Mitambong ug mitabang sa operasyon ang mga health personnel, lakip ang HRHs, PHNs, RMTs, medical doctors, BHWs ug BNS, samtang gipasalig sa mga residente ang ilang kooperasyon sa programa.
Gipasiugda usab sa kalihokan ang kahinungdanon sa paglikay sa Filariasis, diin gipahibalo ang mga residente bahin sa pagpugong ug pagpanalipod batok sa maong sakit.
Sa maong programa, gipasalamatan niini si Sindangan Mayor Glona G.Labadlabad sa bug-os niini nga suporta ilabi na sa paghatag niini ug pagkaon,premyo, lain-laing mainom ug libreng salida nga makapalingaw alang ngadto sa mga partisipanteng misalmot sa kalihokan.(MEDALYN U. BORJA)
Source: RHU Sindangan