Ang Lokal nga Gobyerno sa Sindangan nag-awhag sa tanan nga magmatinud-anon sa pagdumala sa basura samtang nag-enjoy sa public plaza, boulevard, ug uban pang pampublikong lugar. Gipatuman pag-ayo ang Municipal Ordinance No. 2019-164, “Basura Mo, Hipuson Mo.”
Bisan kinsa nga masakpang maglabay og basura sa pampublikong lugar sama sa plaza ug boulevard, pagaisyuhan og citation ticket ug pagamultahon sumala sa balaod. Kini nga lakang gilaraw aron mapadayon ang kalimpyo, kahapsay, ug kaluwasan sa komunidad.
Magtinabangay kita sa pagpreserba sa katahom ug kalimpyo sa Sindangan, usa ka lungsod nga angay ipasigarbo ug balik-balikon sa mga bisita. Ang mas limpyo nga Sindangan, magsugod sa matag usa kanato.(JENIFFER JR. DELICA)
Source: Local Government Unit of Sindanga