NAGDONAR og 15 sako nga semento ang Local Government Unit sa Salug ubos sa pagpangulo ni Mayor Dr. Ruth M. Brillantes ngadto sa Salug National High School isip suporta sa nagpadayong Brigada Eskwela 2026.
Gidawat ni Ma’am Rotche H. Española, HT II, ang maong donasyon alang sa eskwelahan, nga gamiton sa mga kalihokan nga nagtumong sa pag-andam sa pasilidad alang sa pagsugod sa bag-ong tuig sa pagtungha.
Nagpakita ang maong tabang sa padayon nga suporta sa LGU Salug sa sektor sa edukasyon pinaagi sa paghatag og mga kinahanglanong materyales aron mapalambo ang kahimtang sa pagkat-on sa mga estudyante.
Gilauman nga pinaagi sa hiniusang paningkamot sa lokal nga panggamhanan ug sa eskwelahan, mas mapalig-on ang mga pasilidad ug mamugna ang mas maayong palibot alang sa edukasyon ug kaugmaon sa kabatan-onan.(JENIFFER JR. DELICA)
Source: Municipality of SALUG