Mipirma og Memorandum of Understanding (MOU) ang Local Government Unit (LGU) sa Liloy, Ateneo de Zamboanga University (AdZU), ug Jose Rizal Memorial State University (JRMSU) alang sa pagtukod sa CSO Academy of Liloy, nga nagtumong sa pagpalig-on sa kapasidad ug partisipasyon sa mga Civil Society Organizations (CSOs) sa lokal nga panggobyerno.
Gipangulohan ni Mayor Roberto Lim Uy Jr. ang pagpirma sa MOU, nga nagtimaan sa bag-ong paningkamot sa tulo ka institusyon sa pagpalambo sa mas lig-on nga kolaborasyon tali sa lokal nga panggobyerno, akademya, ug mga organisasyon sa komunidad.
Pinaagi sa maong kasabutan, gilauman nga mapalambo ang kahibalo ug kapasidad sa mga CSO aron mas aktibo ug makahuluganon silang makaapil sa mga proseso sa lokal nga panggobyerno ug sa mga inisyatiba alang sa kalamboan sa komunidad.
Gitumong usab sa partnership ang pagpalig-on sa transparent, participatory, ug inclusive nga governance pinaagi sa pagmugna og dugang nga oportunidad alang sa citizen participation sa pagplano ug pagpatuman sa mga programa sa lungsod.(IKEN B. GULLEM)
Source: Municipality of Liloy