Gitambongan ni Liloy Mayor Roberto Lim Uy Jr. ang pagbukas sa Community-Based Disaster Risk Reduction ug Climate Change Adaptation Orientation alang sa mga community volunteers nga gipahigayon sa Villa Sudiacal Covered Court.
Ang tulo ka adlaw nga kalihokan nagtigom sa mga miyembro sa Municipal Resilience Team, Barangay Resilience Teams, mga community volunteer, barangay officials, ug mga civil society organization aron mapalig-on ang kahibalo ug kaandam sa komunidad batok sa mga kalamidad ug epekto sa climate change.
Kabahin sa maong orientation ang pagpalambo sa mga estratehiya sa community-based disaster risk reduction ug pagdasig sa aktibong partisipasyon sa mga komunidad sa pag-atubang sa mga emerhensiya.
Pinaagi niini, padayon nga gipalig-on sa Lokal nga Panggamhanan sa Liloy ang kahandam ug kalig-on sa mga komunidad aron mahimong mas luwas ug mas andam sa umaabot nga mga kalamidad.(JENIFFER JR. DELICA)
Source: Municipality of Liloy