Naghiusa ang LGU Labason ug nagkalain-laing sektor sa komunidad sa usa ka dagkong coastal cleanup niadtong Septiyembre 19,2026 aron tangtangon ang plastic waste ug marine debris ug mapanalipdan ang kadagatan batok sa padayong pagdaghan sa basura ug mapanalipdan ang marine ecosystem.
Gikordinar sa Municipal Environment and Natural Resources Office (MENRO) ang kalihokan uban sa mga barangay, responder, law enforcement, national government agencies ug civil society organizations nga aktibong miapil sa pagpanglimpyo sa baybayon.
Kabahin sa misalmot ang mga opisyal ug residente sa barangay, MDRRMC Labason, PNP ug BFP Labason, DENR, Municipal Agriculture Office (MAO) ug mga CSO.
Gipunting sa kalihokan ang pagwagtang sa plastic waste ug uban pang marine debris nga mahimong hulga sa kahimsog sa kadagatan ug sa panginabuhian sa mga komunidad nga nagsalig sa coastal resources.
Ubos sa administrasyon ni Mayor Jelster Ed T. Quimbo, gipasiugda sa LGU Labason ang padayong pag-apil sa komunidad sa mga lakang alang sa pagpanalipod sa kinaiyahan ug pagmintinar sa limpyo ug luwas nga baybayon.
Gilauman nga ang maong panaghiusa mahimong padayon nga paningkamot aron mapanalipdan ang kadagatan ug mapreserbar ang natural nga kahinguhaan alang sa sunod nga henerasyon.(MEDALYN U. BORJA)
Source: Municipality of Labason Zdn