Gipakusog sa lokal nga panglawas sa Sirawai ang kapasidad sa mga miyembro sa PuroKalusugan (PK) Team pinaagi sa usa ka espesyal nga pagbansay nga gipahigayon niadtong Septiyembre 19,2026 sa Municipal Gymnasium, Sirawai, Zamboanga del Norte.
Gitutokan sa training ang PK Job Guide, aron mas klaro sa mga miyembro sa PuroKalusugan Team ang ilang mga tahas ug responsibilidad sa paghatod sa serbisyo panglawas ngadto sa mga komunidad.
Gipangulohan ni DOH Supervisor Hartina Sadalani ang kalihokan, uban sa partisipasyon nila ni Dr. Aren Vincent Fallaria ug Dr. Fenny Quinto, nga mipadangat og giya ug praktikal nga kahibalo alang sa mas episyente nga pagpatuman sa mga buluhaton sa PuroKalusugan.
Misalmot usab ang HRH Team gikan sa National Health Workforce Support System (NHWSS) sa Department of Health, nga mitabang sa koordinasyon ug pagpatuman sa maong capacity-building activity.
Gipadayag usab ang pag-ila sa lokal ang pagpanguloh ni Mayor Aljazar P. Janihim tungod sa padayong suporta sa mga programa nga nagtumong sa pagpaayo sa kahimsog ug kaayohan sa mga residente.
Pinaagi sa maong pagbansay, gilauman nga mas mapaligon ang koordinasyon, kahibalo ug serbisyo sa PuroKalusugan Team aron mas mapaduol ang dekalidad ug accessible nga serbisyo panglawas sa matag komunidad sa Sirawai.(MEDALYN U. BORJA)
Source :Sirawai Rural Health Unit