Dili lang pasidungog kundili pag-ila sa lig-on nga kahandam ug panaghiusa sa komunidad ang nadawat sa Municipality of Gutalac human kini mapili isip Regional EPIC Awardee ug gihatagan sa Exemplary Performance Award sa natad sa Disaster Risk Reduction and Management (DRRM).
Ang maong kalampusan gilangkuban sa pagpanguna ni Municipal Mayor Eddie Justin Quimbo, uban sa aktibong suporta sa Municipal Disaster Risk Reduction and Management Office (MDRRMO) nga gipangulohan ni Engr. Rolando Ortiz, diin gipakita sa LGU ang padayon ug organisadong kahandam, episyenteng serbisyo, ug lig-on nga kooperasyon sa pagpanalipod sa kaluwasan sa katawhan.
Sumala sa mga organizers, ang pasidungog nagpakita sa tinud-anay nga pagpaningkamot sa Gutalac LGU sa pagpatuman sa prinsipyo sa Excellence in Preparedness and Inclusive Community Resilience (EPIC), nga nagtinguha nga walay Gutalacnon ang mapabilin sa panahon sa katalagman, ug nagpadayon sa paghatag ug husto, patas, ug dekalidad nga serbisyo publiko.(IKEN B. GULLEM)
Source: LGU GUTALAC-Public Information