Gihatagan og pag-ila ang Local Government Unit (LGU) of Gutalac sa Department of Education (DepEd) Zamboanga del Norte Division tungod sa padayon ug lig-on nga suporta niini sa pagpalambo sa edukasyon sa munisipyo.
Nagpunting ang pag-ila sa epektibong kolaborasyon tali sa LGU ubos sa pagpanguna ni Mayor Eddie Justin Quimbo ug sa mga education stakeholders aron mapauswag ang kalidad sa pagkat-on sa mga estudyante.
Matud sa DepEd, ang paningkamot sa LGU nakatampo sa pagpalig-on sa mga programa sa edukasyon, nga naghatag og mas maayong oportunidad sa mga kabatan-onan sa Gutalac ug sa tibuok probinsya.
Gipasabot sa LGU nga magpadayon kini sa pagtrabaho kauban ang DepEd ug uban pang sektor aron mas mapalig-on pa ang education system, uban sa tumong nga makahimo og mas kompetitibo ug andam sa umaabot nga mga Gutalacnon learners.(IKEN B. GULLEM)
Source: LGU GUTALAC-PUBLIC INFORMATION