Dipolog: 4 Ka Drug suspect sa Brgy. Dicayas dakpan sa Drug Buy-Bust Operation; Balor sa P476K nga kantidad sa shabu nasakmit

Nagtingkagol karon sa prisohan ang 4 ka drug suspek nga tigpayuhot sa ilegal nga drugas homan masikop sa gikasa nga drug buy-bust operation sa mga personahe sa kapulisan didto sa Violet Village, Sitio Tulil, Barangay Dicayas, ning dakbayan sa Dipolog,mga alas 8:53 ang takna sa kagabhion, Septiyembre 20,2025.

Ang maong nga dinakpan nga drug suspek naila nga sila si alyas “Art” 42-anyos nga lalaki, (HVI), residente sa North Baybay, Galas, dakbayan sa Dipolog, alyas “Rene”, 50 anyos, lalaki (Newly Identified SLI), minyo, walay trabaho, residente sa Baybay, Galas, syudad sa Dipolog, alyas “Rogelio” 48 anyos,Lalaki ulitawo,walay trabaho (Newly Identified SLI), residente sa Lower Irasan, Roxas, Zamboanga Del Norte ug alyas “Ian”,49 anyos, (Newly Identified SLI),adunay kapuyo kanhi CAA 94th IB Delta Company.

Ang pagkasikop gihimo pinaagi sa hiniusang operasyon sa mga personahe sa SOU 9, PNP DEG (Lead Unit) kauban ang ZDNPIT RIU9, PDEA ZDN, Dipolog CPS, ug ZDN PDEU.

Nakuha atol sa operasyon gikan sa mga suspek mao ang Usa ka piraso sa dako nga heat-sealed transparent plastic pack nga adunay sulod nga white crystalline substance nga gituohang shabu (subject of sale); Duha ka piraso sa rectangle small size heat-sealed transparent plastic sachet nga adunay sulod nga white crystalline substances nga gituohang shabu gikan sa possession ni alyas “Rogelio ” ; Usa ka piraso sa square medium size heat-sealed transparent plastic sachet nga adunay sulod nga white crystalline substances nga gituohang shabu gikan sa possession ni alyas “Ian”

Samtang nakuha usab sa mga otoridad ang ebebinsya nga dili druga nga mao ang Usa ka bundle sa boodle money nga adunay tinuod nga 500 peso bill nga nagkantidad ug 80,000 pesos; Duha ka unit sa IPHONE PRO MAX color white ug IPHONE 16 color white; Usa ka piraso sa LV body bag color blue; Usa ka piraso sa Identification Card Driver’s License; Usa ka Toyota Hilux, kolor puti nga adunay plate number NBO 2740.

Ang nakumpiska nga drugas, gibana-bana nga mutimbang sa 70 gramos nga adunay kantidad nga mobalor sa Php 476,000.00.

Ang mga nakuhang ebidensya gitugyan gilayon ngadto sa kustodiya sa SOU9 alang sa tukmang disposisyon ug dokumentasyon.

Samtang ang mga dinakpan nga drug suspek anaa na karon sa kustodiya sa Dipolog Police Station alang sa ilang temporaryong detensyon.(Medalyn Borja)

𝙎𝙤𝙪𝙧𝙘𝙚: 𝘾𝙊𝙋, 𝘿𝙄𝙋𝙊𝙇𝙊𝙂 𝘾𝙋𝙎