Gidawat ni Mayor Roberto Y. Uy ang courtesy visit ni City Health Office (CHO) Nurse Supervisor Donabelle V. Mutia ug Midwife Supervisor Deborah Pontanar, diin ilang gipresentar ang LGU Achiever’s Award sa Family Planning nga nadawat sa siyudad.
Gihatag ang pasidungog sa Department of Health (DOH) atol sa Regional Year-End Universal Health Care event karong buwana, isip pag-ila sa lig-on nga programa sa Dipolog City alang sa family planning ug pagpalambo sa public health services.
Ang award nagpasabot sa padayong paningkamot sa lokal nga kagamhanan sa paghatag ug accessible, kalidad, ug responsableng serbisyo sa reproductive health aron masiguro ang maayong kahimtang sa mga pamilya sa siyudad.(IKEN B. GULLEM)
Source: Dipolog City Government