Usa ka gatus ka residente sa Gutalac ang mitambong sa Tulong Panghanapbuhay sa Ating Disadvantaged/Displaced Workers (TUPAD) orientation kaniadtong Nobyembre 28, 2025, nga gimugna aron hatagan sila ug temporaryong panginabuhian ug suporta sulod sa panahon sa kalisod sa trabaho.
Ang programa gipasiugdahan sa LGU Gutalac isip bahin sa ilang paghatod ug Excellent, Just, and Quality Service, nga nagtumong sa pag-amuma sa mga displaced ug disadvantaged workers pinaagi sa paghatag kanila ug klaro nga oportunidad sa kita ug paglambo sa panginabuhi.
Gipaabot ang dakong pasalamat ni Mayor Eddie Justin Quimbo alang sa kanunay nga suporta ni 3rd District Representative Ian Amatong, Provincial Governor Darel Dexter Uy, ug sa mga kawani sa Department of Labor and Employment (DOLE) nga mitabang sa pagdumala ug paggiya sa mga benepisyaryo.
Pinaagi sa kusgan nga kolaborasyon tali sa LGU ug nasyonal nga ahensya, padayon nga tinguhaon sa lokal nga pangagamhanan ang paghatag ug patas, kalidad, ug epektibong serbisyo nga makahatag ug tinuod nga kaayohan sa mga Gutalacnon.(IKEN B. GULLEM)