Ang Provincial Disaster Risk Reduction and Management Office (PDRRMO) mihimo og organizational assessment ug operational planning para sa tuig 2026 niadtong mga nakalabay na adlaw sa Alta Cebu Resort, Cordova, Cebu.
Gihimo ang assessment aron mas lig-on ang istruktura sa opisina nga naglangkob sa Operations, Recovery, ug Rehabilitation (ORR), Disaster Preparedness, Information and Training (DPIT), Emergency Response – Search and Rescue (ER-SAR), Research, Documentation, Statistics and Planning (RDSP), ug Administrative Section.
Ang tumong mao ang klaro nga paghibalo sa tagsa-tagsa ka bahin sa ilang responsibilidad ug malikayan ang pagdoble sa trabaho.
Apil usab sa ilang buhat ang operational planning aron mapaabot ang tanang kalihokan sa 2026, lakip na ang programa, proyekto, ug aktibidad sa disaster risk reduction ug management. Giandam usab ang budget ug timeline para sa implementasyon sa mga plano.
Gihimo usab ang team-building activities aron malingaw ang mga miyembro ug mapalig-on ang ilang teamwork ug professional bond.
Ang ulahing mga bulan sa 2025 lisod para sa PDRRMO tungod sa mga kalamidad sama sa 6.9 magnitude nga linog ug bagyong Tino nga nakaapekto sa daghang komunidad sa Cebu. Tungod niini, ang response, recovery, ug rehabilitation maoy prioridad sa opisina.
Sa pagtapos sa tuig, ang PDRRMO nag-andam na sa praktikal ug epektibong lakang aron masiguro nga andam ang opisina sa umaabot nga tuig pinaagi sa assessment, planning, ug team-building activities.
Source: Cebu Province PIO
I via Renante Socia Lada