Mitubag dayon ang Local Disaster Risk Reduction and Management Office sa Tampilisan sa usa ka banggaanay tali sa trak ug sakyanang pribado niadtong nilabay nga adlaw sa may alas dos traynta sa hapon, sa area sa Sawmill, Tampilisan.
Duha ka indibidwal ang nasamdan sa insidente. Ang usa ka pasyente nakaangkon og mga gasgas sa ubos nga bahin sa lawas, samtang ang ikaduhang pasyente adunay mga hiwa sa ibabaw nga bahin sa lawas ug mga gasgas nga adunay hubag sa ubos nga bahin sa lawas. Gilampos dayon sa LDRRMO personnel ang initial assessment ug first aid sa lugar sa insidente.
Gipahinumduman sa LDRRMO ang tanang motorista nga magpabiling alerto ug mag-amping sa pagmaneho aron malikayan ang susamang aksidente. Padayon ang panawagan sa kooperasyon sa katawhan alang sa kaluwasan sa tanang naggamit sa karsada.(JENIFFER JR. DELICA)
Photo Courtesy: LDRRMO Tampilisan