Nakigbahin ang Local Disaster Risk Reduction and Management Office sa Liloy, nga gipangulohan ni Roy Allan S. Ego-Ogan, RN, LPT, EMT-B, sa pagselebrar sa ika-129 nga anibersaryo sa pagkamatay ni Dr. Jose Rizal kauban ang lokal nga pangagamhanan ug ubang ahensya sa gobyerno.
Gipahigayon ang kalihokan ilalom sa tema nga “Rizal: Sa Pagbangon ng mga Mamamayan, Aral at Diwa Mo ang Tunay na Gabay,” nga nagtumong sa pagpasidungog sa nasyonal nga bayani nga ang kinabuhi ug mga baruganan nagpadayon nga naghatag giya sa katawhan sa patriyotismo ug matinud-anong serbisyo.
Samtang ginahandom ang kabilin ni Rizal, giila usab sa LDRRMO ang paningkamot sa modernong mga alagad sa katawhan sama sa mga responder, health workers, uniformed personnel, ug mga boluntaryo, nga sa ilang adlaw-adlaw nga pag-alagad makita ang espiritu sa sakripisyo ug paghigugma sa nasod.(JENIFFER JR. DELICA)
Photo Courtesy: LDRRMO Liloy