Pormal nga gilusad ang “Revitalized PNP Kasimbayanan” (Kapulisan, Simbahan at Pamayanan) nga may temang “Life is Beautiful! Kaligtasan Nyo, Sagot Ko” sa kagamhanang lokal ning dakbayan Oktubre 20, ning tuiga didto sa 2nd Floor Boulevard Complex, Dipolog City nga nagsugod sa may alas 9:00 ang takna sa buntag.
Mitambong si Dipolog City Mayor Darel Dexter T. Uy, kinsa mipabati sa iyang mensahe isip suporta sa maong kalihokan sa panaghi-usa sa mga kapulisan, relihiyusong kapunongan ug kumonidad alang sa kalamboan, dugang usab niini, pagtinabangay alang sa kaayuhan sa kinatibuk-an ug “public safety” sa katawhan.
Lakip usab sa mitambong mao si Dipolog City Chief of Police PLTCOL EDWIN D VERZON nga naghatag usab og mensahe ngadto sa mga partisipante.
Mipaambit usab og mensahe si DILG, CLGOO Ms. Machutes nga nagpasalamat tungod kay nagkahiusa ang tanan alang sa dakong tabang sa komunidad, dili lamang sa “public safety” kon dili ang pamatasan sa pagsunod sa mga balaod sa dakbayan alang sa kaayuhan sa tanan.
Lakip sa mitambong sa maong kalihokan mao sila Msgr. Edgar Agura sa Sta. Filomena Catholic Church, Seventh Day Adventist, Rev. Daniel Zablan, UCCP, Dipolog City, Rev. Paquito G. Casiano Jr, Iglesia Ni Cristo, Dipolog City, Pastor Brandon Calunia, Abundantly Blessed in Christ Fellowship Inc., Pastor Ramilo D. Avenido, Open Door Baptist Church, Pastor Lovimie Roda, Jesus is Lord, Pastor Michael U. Venegas, CAGTPD, Chairman Dipolog CPS, Hon. James P. Verduguez, Brgy. Chairman Officials sa 21 ka barangay, PNP Members and personnel, RPN-DXKD manager Dennis Garay, ug uban pa.
(Source: Dipolog City Government Facebook page)