Gibisita sa Department of Social Welfare and Development (DSWD) Central Office, nga gipangulohan ni Secretary Rexlon “Rex” T. Gachalian, si Dipolog City Mayor Roberto Y. Uy niadtong Disyembre 5, 2025, aron palig-onon ang koordinasyon sa implementasyon sa mga sosyal nga programa sa lungsod.
Kauban sa delegasyon si Assistant Secretary Irene B. Dumlao, Regional Director Riduan P. Hadjimuddin, ug Assistant Regional Director Ma. Socorro S. Macaso. Ilang gituki ang mga pamaagi ug kolaborasyon tali sa nasyonal ug lokal nga panggamhanan aron mas mapadali ang serbisyo alang sa komunidad.
Mitambong usab sa maong higayon si Zamboanga del Norte Governor Darel Dexter T. Uy ug Dapitan City Mayor Evelyn T. Uy, nga nagpakita sa lig-on nga panag-uban sa mga lokal nga panggamhanan alang sa kalamboan ug kaayohan sa mga pamilyang Pilipino sa probinsya.(JENIFFER JR. DELICA)
Source/Photo Courtesy: Dipolog City Government