Himas Rehas sa Prisohan, ang usa ka Lalaking Wanted sa kasong pagsupak sa Republic Act 9165, pinaagi sa gipahigayon nga Joint Law Enforcement Operation, nga gipangunahan sa mga personahe sa Baliguian Municipal Police Station (MPS), didto sa Barangay Nonoyan, Lungsod sa Baliguian, ning Probinsiya sa Zamboanga del Norte, niadtong nakalabay’ng adlaw, Setyembre 08, 2025 sa may alas 11:20 sa buntag.
Base sa pahayag nga giluwatan sa Baliguian Pnp, nga gisikop nila ang suspetsadong si alyas Tadoy, 25 anyos, minyo, mananagat, ug Residnte ra usab sa nasangpit nga Lugar, pinasikad sa Warrant of Arrest sa kasong pagsupak sa Section 5, Article II sa Republic Act 9165 (Comprehensive Dangerous Drugs Act of 2002), nga naka doket ubos sa Criminal Case No. 2023-01-03 (2467), nga giisyu ni Ela Michelle Sta. Maria Cubero, ang Presiding Judge sa Ninth Judicial Region, Branch 27, Siocon, Zamboanga del Norte, penitsahan og Setyembre 03, 2025.
Sa kasamtangan ang naasoy nga dinakpan atua na ubos sa kustodiya sa Baliguian Municipal Police Station (MPS), alang na sa tukmang disposisyon, samtang gihikay ang pagbalik sa Warrant of Arrest, ngadto sa korte nga nag-isyu niini.(Julius Esmade)
Source: ZNPPO