Mi-guest sa Programang Tandem Express nga gidumala ni Anchorman Renante Lada ug Anchorman Ting Joe Pepito si Dina Cinchez, Public Relations Officer ug Head of Public Affairs Unit sa PhilHealth-7. Gipasabot niya sa mga tigpaminaw ang importante nga programa sa ahensya, lakip na ang PhilHealth YAKAP ug uban pang benepisyo nga puwede ma-avail sa publiko.
Sumala ni Cinchez, ang PhilHealth YAKAP o Yaman ng Kalusugan Program. Ang pagpatambal naghatag og libreng serbisyo alang sa mga miyembro nga nagkinahanglan og regular nga medical check-up ug screening. Sa Central Visayas, dunay pipila ka YAKAP clinics nga giandam aron mas mapadali ang pagserbisyo ngadto sa mga benepisyaryo.
Usa sa mga gi-highlight mao ang coverage sa screening alang sa cancer sama sa breast, Lung cancer, Colorectal Cancer ug Liver Cancer. Kini nga serbisyo makatabang sa sayo nga pagdiskubre ug pag-atiman sa sakit aron malikayan ang mas seryosong komplikasyon.
Gipasabot usab nga ang tanang miyembro ug dependents nga kwalipikado mahimong makabenepisyo niini.
Gihatagan usab ug pagklaro ni Cinchez kung giunsa ang proseso sa pag-avail sa serbisyo: kinahanglan lamang nga miyembro sa PhilHealth, ipakita ang valid nga ID ug PhilHealth Member Data Record (MDR), ug motunol sa gi-require nga dokumento sa accredited YAKAP clinics.
Sa katapusan, iyang gitubag ang pipila ka isyu nga nasang-at sa PhilHealth ug gipasidan-an ang publiko nga magbantay batok sa mga scam ug peke nga programa.
Gi-awhag ni Cinchez ang publiko nga mudangop sa pinakaduol nga buhatan sa Philhealth para sa dugang kasayuran.
Full Interview: https://www.facebook.com/share/v/1BDnC7Ru7N/Â
I via Renante Socia Lada ug Ting Joe Pepito