Himas rehas ang nadangatan sa usa ka lalaki hUman kini madakpi sa hiniusang operasyon sa Labason MPS MDET sa koordinasyon sa 2nd PMFC ug RMFB9 , tungod sa pagpayuhot sa ginadili nga drugas didto sa Purok 3, Brgy. Gil Sanchez, Labason, Zamboanga del Norte, sa may alas 11:30 ang takna sa gabii, Nobyembre 26,2024.
Gikataho nga ang maong lalaki nga suspek usa ka Street Level Individual ( SLI) ,36 anyos, minyo, walay trabaho ug residente sa Brgy Kipit, Labason, Zamboanga Del Norte ug nakumpiska gikan sa posIsyon ug kontrol sa suspek mao ang 1 ka piraso sa gamay nga gidak-on nga heat-sealed transparent plastic sachet sa crystalline granules gidudahang “Shabu” isip buy bust item, 2 ka piraso sa small size heat-sealed transparent plastic sachet nga adunay sulod nga white crystalline granules nga gituohang shabu, P500 peso bill, 1 ka GSM aluminum cup nagsilbing sudlanan, 3 ka piraso sa 100 peso bill, 1 ka Keypad Cellphone (ITEL) Kolor Skyblue.
Mutimbang ngadto sa 1 ka gramo ang gidudahang ilegal nga drugas ug nagkantidad sa P6,800.
Ang mga nakumpiska gi-turn over ngadto sa Sibugay Provincial Forensic Unit para sa eksaminasyon alang sa qualitative ug quantitative examination.
Samtang ang dinakpan temporaryong gitanggong sa Labason MPS Lock up detention cell alang sa tukmang disposasyon. (Medalyn U. Borja)
(Source: ZNPPO)