Sikop sa mga kapulisan ang usa ka 47 anyos nga lalaki sa kasong Theft atol sa gipahigayong law enforcement operasyon niadtong nakalabay nga adlaw sa Purok Marang, Barangay Tamion, Dapitan City.
Ang pagsikop pinasikad sa Warrant of Arrest nga giisyu ni Judge Hilarion Jonathan Garcia Maagad sa Municipal Trial Court in Cities (MTCC), 9th Judicial Region, Dapitan City, pinetsahan niadtong Hunyo 11, 2025, nga adunay girekomendar nga piyansa nga mokantidad sa 6,000.00.ka pesos.
Ang maong operasyon gipanguluhan sa Dapitan City Police Station ug sa Mabuhay Sub-Base, 5th Special Operations Unit – Maritime Group hinungdang malampusong napahigayon ang pagkasikop sa suspek.
Sa pagkakaron ang dinakpan gidala gilayon ngadto sa Dapitan City Police Station para sa kasong ipahamtang batok kaniya.(Angelica T. Obina)
Source:ZNPPO