Sikop sa gikasa nga intel-driven law enforcement operation sa kapulisan ang usa ka lalaki, mga alas 12:30 ang takna sa udto, Pebrero 2, 2025, didto sa Purok 5, Sitio Tugupan, Barangay Bulawan, Katipunan, Zamboanga del Norte.
Ang maong dinakpan naila nga si Jeric Tumimang Gunong,kinsa gidakop sa mga personahe sa Tracker Team sa Katipunan MPS, kauban sa 1st ZNPMFC, ZNPIU, RIU9, ug 5th Special Operation Unit, Maritime Group tungod sa kasong Attempted Homicide ubos sa warrant of arrest nga gi isyu ni Hon. Jerry A Andrino- Acting Presiding Judge, 5th MCTC sa Katipunan-Sergio Osmeña Sr., 9th Judicial Region, Katipunan, Zamboanga Del Norte pinetsahan Hunyo 26, 2024, nga adunay piyansa nga girekomendar nga mobalor sa P36,000 alang sa iyang temporaryong kagawasan.
Ang dinakpan gipahibalo sa iyang mga katungod sa konstitusyon pareho sa Miranda Warning ug Anti-Torture Law ug anaa na kini sa kustodiya sa Katipunan MPS alang sa tukma nga disposisyon. (Medalyn U. Borja)
(Source: ZNPPO)