Sikop sa gikasa drug buy-bust operation sa mga personahe sa kapulisan ang usa ka lalaki, mga alas 9:25 ang takna sa kagabhion, Enero 22, 2025, didto sa Barangay Turno, ning dakbayan sa Dipolog.
Ang maong dinakpan naila nga usa ka 42 anyos,lalaki ,minyo, walay trabaho ug lumulupyo sa Sta. Isabel Dipolog,kinsa gidakop sa mga personahe sa ZN PDEU (Lead Unit), kauban ang DIPOLOG CPS, 5th SOU PNP-MG,ZN 1st PMFC ug 901st MC,RMFB 9,tungod sa pagkalambigit sa pagpayuhot sa ginadili nga drugas.
Nakumpiska atol sa operasyon ang Usa ka piraso nga big size heat-sealed transparent plastic sachet nga adunay sulod nga puti nga crystalline granules nga gituohang “shabu” isip buybust item, 11 ka piraso nga small size-heat sealed transparent plastic sachet nga adunay sulod nga puti nga crystalline granules nga gituohang “shabu” sa iyang possession, 1 ka piraso nga usa ka libo ka peso bill isip buy-bust money, 1 ka piraso sa usa ka libo ka pesos isip boodle money, 1 ka unit nga cellular phone infinix brand color sky blue; 1 ka pirasong brown nga pitaka nga nagsilbi nga sudlanan sa mga drug items, 1 ka pirasong identification card driver’s license , ug 1 ka unit nga motorsiklo honda click 125 color blue-white combination.
Gibana-bana ang mga drug evidence nga may gibug-aton nga 15 gramos nga adunay standard nga presyo nga mobalor sa P102,000.00.
Ang mga nakumpiska nga druga gi turn over sa ZDN Provincial Forensic Unit alang sa eksaminasyon, samtang ang dinakpan gitanggong ubos sa protective custody sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)