Balhog sa Selda ang usa ka 38 anyos nga indibidwal nga residente sa Brgy. Olingan,Relocation, Dipolog City, Zamboanga Del Norte, human sa kasong paglapas sa Republic Act 7610 Special Protection Of Children Against Child Abuse, Exploitation And Discrimination Act (Anti-Child Abuse Law) (Acts Of Lasciviousness In Relation Sa Sec. 5 (A) atol sa gipahigayon nga operasyon sa Relocation, Brgy. Miputak, sa nahisgutang nga dapit.
Ang pagkabalhog pinasikad sa Warrant Of Arrest nga dala sa PNP ilalom sa Criminal Case No. 24974 nga giisyu ni Jose Rene Gallemit Dondoyano, Presiding Judge, Rtc 9, 9th Judicial Region, Branch 7, Dipolog City, niadtong August 26, 2021 diin adunay gitanyag nga pyansa sa kantidad nga php180,000 ka pesos para sa temporaryong kagawasan.
Ang maong operasyon gipanguluhan sa mga personahe sa Dipolog PNP, inubanan sa 1ST ZNPMFC, Polanco Mps ug ang RMFB 9, hinungdan sa pagkasikop sa gikatahong TOP 8 MWP Municipal Level.
Sa pagkakaron ang suspetsadong dinakpan ang anaa na gikustudya sa Dipolog City Police Station para sa tukmang disposasyon. (Angelica T. Obina)