Usa ka indibidwal ang boluntaryong misurender sa iyang improvised firearm atol sa gipahigayon nga police presence ug information operation sa Godod Municipal Police Station (MPS) didto sa Barangay Poblacion, Godod Zamboanga del Norte niadtong Agosto 18, 2025.
Ang maong operasyon gihimo isip kabahin sa kampanya batok loose firearms ug uban pang kalihokan sa kriminalidad. Tungod niini, ang maong indibidwal mitahan sa usa ka (1) unit improvised pistol 5.56mm nga walay serial number, markings ug bala.
Sumala sa Godod MPS, ang kalihokan nagpamatuod sa ilang padayon nga paningkamot aron malikayan ang paggamit sa mga ilegal nga armas ug aron mapalig-on ang kalinaw ug seguridad sa komunidad.
Gihangyo usab sa kapulisan ang publiko nga magpadayon sa pakigtambayayong ug pagsuporta sa mga programa sa Philippine National Police (PNP) aron masiguro ang kaluwasan ug kahapsay sa tanan.(Jumalisa Papa)
Source: Godod MPS